Writer looking for artist for student life/psychology/moltivational webcomic collaboration(unpaid)

[drishyamalayil85]

Title: Writer Looking for Artist for Webcomic Collaboration (Unpaid)
Hello everyone,
I am a writer looking for an artist who would like to collaborate on a webcomic project. This will be an unpaid collaboration, but if the comic earns money in the future, profits will be shared fairly.
Genre: psychology/student life/moltivational

Story: Chapter 1 — The Girl Who Slept Only 4 Hours
Log kehte hain success ke peeche sacrifice hota hai…
Par koi yeh nahi batata ki kabhi kabhi yeh sacrifice aapki khud ki health, khud ki peace aur khud ki zindagi ban jaata hai.
Class 10 ke time main ek bahut cheerful ladki thi.
Mujhe padhna pasand tha. Bahut zyada.
Mere andar ek ajeeb si zid thi — “Mujhe top karna hai. Mujhe apna best dena hai.”
Aur is zid ke chakkar mein…
main sirf 4 ghante soti thi.
Roz ka routine kuch aisa tha:
Subah 4:00 am uthna.
4:00 se 5:30 tak padhna.
7:00 se 9:00 — tuition.
9:00 se 3:30 — school.
4:45 — ghar pahunchna.
5:30 se 8:30 — phir padhai.
9:30 se raat 12:00 — phir books.
Aur phir… sirf 4 ghante ki neend.
Phir se 4 baje uthna.
Aur yeh cycle roz repeat hoti thi.
Us waqt mujhe lagta tha main strong hoon.
Mujhe lagta tha main unbeatable hoon.
Main thakaan ko ignore karti thi.
Headache ko normal samajhti thi.
Neend na aana ek achievement lagta tha.
Par mujhe nahi pata tha…
main apni body aur mind ko dheere dheere tod rahi hoon.
Class 10 ke time main phir bhi handle kar paayi.
Marks bhi theek aaye.
Teachers appreciate karte the.
Family proud thi.
Par jo damage andar ho chuka tha…
woh chupchaap wait kar raha tha.
Waiting…
for the right time to attack me.
Aaj jab main 26 saal ki hoon…
aur roz 7–8 ghante sone lagi hoon…
tab mujhe realize hota hai…
Neend koi luxury nahi hoti.
Neend survival hoti hai.
Aaj mujhe phir se woh lost energy feel hoti hai.
Confidence wapas aa raha hai.
Strong hone ka ehsaas ho raha hai.
Par yeh journey simple nahi thi…
Kyunki class 10 ke baad jo phase aaya…
usne meri zindagi ka direction hi badal diya.
Main sochti thi plus one meri growth ka saal hoga…
Lekin mujhe nahi pata tha…
Plus one meri loneliness ki shuruaat banne wali thi.
Aur mujhe bilkul bhi andaza nahi tha…
ki agla saal meri zindagi ka sabse emotional aur confusing phase banne wala tha.

Chapter 2 — When Loneliness Attacked Me Silently
Plus one mein entry lete waqt mujhe laga tha main phir se strong ban jaungi.
Naye books, naye uniform, naye goals…
Par mujhe nahi pata tha ki yeh saal meri zindagi ka sabse lonely phase banne wala tha.
Main ek introvert hoon.
Logon ke saath zyada ghulna-milna mera nature nahi tha.
Upar se main Malayalam medium se thi.
English medium students ke beech adjust karna mere liye bahut mushkil tha.
Shuru mein har cheez ajeeb lagti thi.
Classroom mein baith kar bhi main akeli mehsoos karti thi.
Dheere dheere subjects samajh mein aane lage…
Par jo cheez samajh mein nahi aa rahi thi…
woh meri khud ki emotions thi.
Mujhe andar se bahut darr lagta tha.
Bina kisi reason ke.
Bas ek heavy sa fear dil mein baitha rehta tha.
Isi time meri body bhi mujhe signals dene lagi.
Mujhe pair dard, kamar dard, kandha dard, haath dard hone laga.
Joints mein inflammation ho gaya.
Doctor ko dikhaya…
Tab pata chala mujhe Rheumatoid arthritis hai — genetic problem.
Is wajah se main roz school nahi ja paati thi.
Attendance kam ho gayi.
Meri maa ne teacher se baat ki aur meri condition samjhaayi.
Teacher ne kaha exam ke liye attendance problem nahi hogi.
Mujhe laga sab theek ho jaayega.
Par phir…
Half yearly exam ke din kuch ajeeb ho gaya.
Main exam hall mein baithi thi.
Paper aaya.
Questions mujhe aate the.
Phir bhi…
pata nahi kya hua…
Sirf ek ghante ke andar main classroom se bahar nikal aayi.
Blank answer sheet ke saath.
Maine kuch bhi nahi likha.
Main khud nahi samajh paayi ki maine aisa kyun kiya.
Dil itna heavy ho gaya tha jaise saans lena mushkil ho.
Ghar pahunch kar maine bag zameen par phenk diya.
Aur deewar ke kone mein baith kar zor zor se rone lagi.
Jab meri maa kaam se ghar aayi aur meri haalat dekhi…
woh bhi andar se toot gayi.
Unhone mujhe gale lagaya aur kaha,
“Beti, mat ro. Marks kam aaye toh bhi koi baat nahi. Jo milega wahi theek hai.”
Par main chup nahi ho paayi.
Main unse chipak kar aur zyada royi.
Maine unhe bataya —
“Maa mujhe raat ko neend nahi aati.
Padhne baithti hoon toh concentration nahi hota.
Andar se bahut darr lagta hai.”
Us time meri zindagi ka ek aur strong support mujhse door chala gaya.
Meri didi college ke liye bahar chali gayi.
Woh meri sabse close thi.
Main apni har baat, har emotion, har problem unse share karti thi.
Unke jaane ke baad main aur zyada akeli ho gayi.
Main jaanti thi unki bhi apni life hai…
BTech, exams, labs, pressure.
Isliye main apna dard unhe bata kar unhe tension nahi dena chahti thi.
Main akeli hi ladti rahi… apne mind ke saath.
Us waqt ghar mein TV bhi nahi tha.
Smartphone bhi nahi tha.
Koi distraction nahi.
Sirf main… aur meri overthinking.
Phir bhi maine padhai ki.
Jitna ho saka utna try kiya.
Par result… dil todne wala tha.
Plus one mein mujhe sirf 79% mile.
Jab maine dekha meri class ke zyada students ke 80% se upar aaye hain…
mujhe laga main fail ho gayi hoon.
Us din pehli baar mujhe feel hua…
loser hone ka dard.
Main baar baar sochti thi —
“Woh strong, cheerful Drishya kahaan chali gayi?”
“Main wapas kyun nahi ban paa rahi?”
Par maine haar nahi maani.
Maine khud se promise kiya:
“Main improvement exam likhungi.
Main apne marks wapas laungi.”
Mujhe nahi pata tha…
yeh decision mujhe kis level ki mental jung mein le jaane wala hai.
Kyunki plus one ke baad jo phase aaya…
woh sirf academic struggle nahi tha…
Woh meri sabse dangerous battle banne wali thi
Mujhe laga tha plus one sabse mushkil tha…
Lekin mujhe nahi pata tha…
Plus two mein main apne hi aap se darrne wali thi.

Chapter 3 — When I Was No Longer In Control Of Myself
Agar plus one ne mujhe andar se kamzor kiya…
toh plus two ne mujhe tod diya.
Yeh woh saal tha jab main sirf royi nahi…
main apne aap se darrne lagi.
Plus two shuru hote hi meri zindagi aur complicated ho gayi.
Us time meri maa bahut zyada physical pain se guzri.
Roz unhe takleef mein dekh kar mera dil toot jaata tha.
Main Bhagwan se roz prarthana karti thi —
“Bhagwan, meri maa ka dard mujhe de do…
par unhe aur suffer mat karne do.”
Phir woh din aaya jab meri maa ko uterus removal surgery karwani padi.
Main already mentally weak thi…
aur unhe operation theatre ke andar jaate dekh kar main aur bhi darr gayi.
Meri didi ghar par nahi thi.
Main aur zyada akeli ho gayi.
Mere paas koi nahi tha jisse main apna dard share kar sakoon.
Plus two ke time mujhe do dost mile.
Unke saath baat karke mujhe thoda relief milta tha.
Main loyal hoon relationships mein…
isliye main unse dil se attached ho gayi.
Par phir unmein se ek dost ne mujhse baat karna kam kar diya.
Usse koi “better friend” mil gaya.
Usne meri side ki seat bhi change kar li.
Aur mujhe phir se wahi question satane laga:
“Kya mujh mein hi koi kami hai?”
“Kya main kisi ki achi friend banne layak nahi hoon?”
Mera self-confidence aur girne laga.
Isi beech meri mental condition aur zyada bigadne lagi.
Mujhe teachers se bhi darr lagne laga…
jabki unhone mere saath kabhi kuch galat bhi nahi kiya tha.
Sirf classroom ke gate ko dekh kar mera dil tez dhadakne lagta.
Haath thande pad jaate.
Saans heavy hone lagti.
Isi darr ki wajah se main kai din school nahi gayi.
Attendance kam hoti gayi…
aur guilt aur zyada badhta gaya.
Phir meri zindagi ka sabse scary phase shuru hua.
Kabhi kabhi mujhe achanak gussa aane lagta.
Main pani bottle ek hi baar mein poori pee jaati.
Meri breathing control se bahar ho jaati.
Main violent ho jaati.
Ek baar main apni maa aur papa ko maarne ki koshish karne lagi.
Mera dimaag andar se keh raha tha:
“Drishya, ruk ja. Yeh teri maa hai.”
Par meri body meri baat nahi sunn rahi thi.
Meri aankhon se aansu baarish ki tarah gir rahe the.
Meri maa, jo abhi operation se recover kar rahi thi,
mujhe sambhalne ke liye mere paas aayi.
Aur sabse dardnaak baat…
Maine un par haath uthane ki koshish ki.
Main khud ko rok nahi paayi.
Poora family yeh sab dekh raha tha.
Sabke chehre par darr aur helplessness thi.
Mujhe saans nahi aa rahi thi.
Forehead ki nerves tez tez dhadak rahi thi.
Sar jaise overheat ho raha ho.
Phir aadhe ghante baad…
main behosh ho gayi.
Jab hosh aata…
main bilkul thak chuki hoti.
Family wale mujhe pyar se baithate, pani pilate, sambhalte.
Aur main bahar se normal banne ka natak karti.
Par andar…
main toot chuki thi.
Raat ko chupchaap roti thi.
Khud ko blame karti thi.
Khud se nafrat karti thi.
“Maine apni maa ke saath aisa kyun kiya?”
“Main aisi kyun ho gayi?”
Is sab ke beech bhi main padhne ki koshish karti rahi.
Quarterly aur half yearly exams mein marks kam aaye.
Plus one improvement exam dene bhi nahi ja paayi…
kyunki meri mental condition allow hi nahi kar rahi thi.
Plus two ka result bhi disappointing tha.
Sirf 81%.
Is score ke saath mujhe koi achha admission nahi mila.
Ek baar phir…
main fail ho gayi.
Meri family mujhe mandir le gayi.
Pooja hui.
Pandit ne kaha mujh par kisi mari hui aatma ka asar hai.
Pooja ke baad meri violent condition band ho gayi.
Par main jaanti thi…
yeh sirf bhagwan ka mamla nahi tha.
Yeh meri mind ki problem thi.
Main samajh chuki thi…
meri asli ladai bahar ki duniya se nahi…
meri apni soch se thi.
Aur mujhe nahi pata tha…
ki plus two ke baad jo saal aane wala hai…
woh mujhe “student” se zyada “failure” ka label dene wala tha.
What I’m looking for: • An artist interested in storytelling
• Someone who wants to build a webcomic together
If you are interested, please reply or message me. I would love to work together and create something amazing.
Thank you!

•